काठमाडौं, १६ भदौ । एकीकृत समाजवादीका कर्णाली प्रदेश कमिटीका सदस्य गणेशबहादुर शाही एमाले प्रवेश गर्नुभएको छ । अध्यक्ष केपी ओलीले डोल्पाका स्थानीय नेता शाहीलाई आज खादा लगाई पार्टी प्रवेश गराउनुभयो ।
शाही पार्टी प्रवेशका लागि अध्यक्षको निवास बालकोट जानुभएको थियो ।
उहाँसँगै जीवनबहादुर शाहीलगायत पनि एमालेमा प्रवेश गर्नुभएको छ । बुधबार ओलीले कञ्चनपुर पुगेर एकीकृत समाजवादी सुदूरपश्चिम प्रदेश अध्यक्ष करवीर चौधरी, तारा लामालगायतलाई एमाले प्रवेश गराउनुभएको थियो ।
प्रतिक्रिया दिनुहोस्