काठमाडौं, भदौ १८ । नेपालले टेस्ट राष्ट्र भारतविरुद्ध शानदार ब्याटिङ गरेको छ ।

टस हारेर पहिले ब्याटिङ गरेको नेपालले ४८.२ओभरमा सबै विकेट गुमाउँदै २३० बनाएको छ ।एसिया कपमा भारतविरुद्ध नेपालका ओपनर आसिफ शेखले अर्धशतक बनाएका छन। ओपनर कुशल भुर्तेलसँग पहिलो विकेटका लागि६५ रनको साझेदारी गरेका आसिफले ८ चौकाको मद्दतमा ५८ रन बनाए ।

अलराउण्डर सोमपाल कामीले महत्वपूर्ण इनिङ खेले । दिपेन्द्रसिं ऐरी र सन्दीप लामिछाने साझेदारी गरेका सोमपालले दुई छक्का र एकचौका सहित ४८ रन जोडे ।

ओपनर कुशल भुर्तेलले २५ बलमा दुई छक्का र तीन चौकाको मद्दतमा २५ बलमै ३८ रन जोडे । दिपेन्द्र सिंह ऐरी २९ र गुल्सन झा २३ रनबनाएर आउट भए ।

 यस्तै सन्दीप लामिछाने ९, भीम सार्की ७, कप्तान रोहितकुमार पौडेल ५ र कुशल मल्ल दुई रनमै आउट भए भने करणकेसी २ रनमा अविजित रहे । भारतविरुद नेपालको यो स्कोरलाई सानदार मानिएको छ ।