काठमाडौं, चैत २७ । नेकपा एमालेले प्रधानमन्त्री शेरबहादुर देउवा नेतृत्वको सरकारले मुलुकको आर्थिक अवस्था डावाडोल बनाएको भन्दै १२ बुँदामा भण्डाफोर गरेको छ ।

पूर्वअर्थमन्त्रीत्रय बिष्णु पौडेल, सुरेन्द्र पाण्डे र डा. युवराज खतिवडाले आज एमालेको तर्फबाट पत्रकार सम्मेलन गर्दै आर्थिक अवस्थामा भइरहेको सरकारको गडबडीबारे यथार्थ बाहिर ल्याउनु भएको हो ।

पत्रकार सम्मेलनमा बोल्दै तीन जना पूर्वअर्थमन्त्रीहरुले सरकार मुलुकको अवस्थाबारे अत्यन्तै गैरजिम्मेवार रहेको बताउनु भयो ।
बर्तमान सरकारले आर्थिक क्षेत्रमा अत्यन्तै खराव काम गरेको उहाँहरुले बताउनु भएको छ भने अर्थमन्त्री जनार्दन शर्मालाई अराजक अर्थमन्त्रीको संज्ञा दिनुभएको छ ।