एजेन्सी, ६ भदौ । राजधानी दिल्लीमा पुरुष वेश्याको जागिर दिने नाममा प्रहरीका छोरा नै ठगीएको घटना बाहिर आएको छ । पीडित दिल्ली प्रहरीका सहायक उपनिरीक्षकका छोरा हुन् ।

जानकारीका अनुसार जिगोलो सर्भिसको काम दिलाउने नाममा पीडितसँग ५० हजार रुपैयाँ ठगी भएको छ । समाचार एजेन्सी एएनआईबाट प्राप्त जानकारी अनुसार पीडितलाई ह्वाट्सएप म्यासेज पठाएर ठगीको घटना भएको हो ।

ठूला परिवारका महिलासँग सम्बन्ध बनाउने र पैसा कमाउने नाटक गर्ने
दिल्ली पुलिसले भने कि पीडितलाई व्हाट्सएपमा जिगोलोको पार्टटाइम कामको प्रस्ताव गरिएको थियो। उक्त ह्वाट्सएप म्यासेजमा हाई प्रोफाइल महिलालाई सेवा दिएबापत दैनिक २० हजारदेखि ३० हजारसम्म कमाइ हुने प्रलोभन दिइएको थियो ।

यसपछि पीडितलाई फोन गरी नाम दर्ताका लागि अनलाइनबाट ३५०० रुपैयाँ शुल्क जम्मा गर्न भनियो । त्यसपछि होटल बुकिङ गर्ने र म्यासेज किट किन्ने नाममा पीडितलाई दुई दिनभित्र ४७ हजार २०० रुपैयाँ अझै जम्मा गर्न भनियो ।

पीडितले सो रकम जम्मा गरेपछि ठगहरूले उनको मोबाइल नम्बर ब्लक गरे। दिल्ली प्रहरीले पीडितको उजुरीको आधारमा मुद्दा दर्ता गरेको छ । यस विषयमा अनुसन्धान भइरहेको छ। प्रहरीले अभियुक्तलाई जतिसक्दो चाँडो पक्राउ गर्ने बताएको छ ।