जनकपुर, मंसिर १३। यही मंसिर ४ गते भएको प्रतिनिधिसभा निर्वाचनमा मधेश प्रदेशसमा नेकपा एमाले सबैभन्दा ठुलो पार्टी बनेको छ । 

पाँच दलीय सत्ता गठबन्धनलाई पछि पार्दै एमाले मधमेशमा सबैभन्दा ठुलो दल बनेको हो । मधेश प्रदेशका ३२ प्रतिनिधिसभा र ६४प्रदेशसभा सदस्यको अन्तिम मत परिणाम सार्वजनिक हुँदा दुवैतर्फ नेकपा एमालेले सबैभन्दा धेरै सिट जितेको हो । 

प्रतिनिधिसभातर्फ २०७४ मा २ सिट जितेको एमालेले अहिले ९ सिटमा जित हात पारेको छ । मधेश प्रदेशमा प्रतिनिधिसभातर्फ नेपालीकांग्रेसले ७ सिटमा विजय हासिल गरेको छ । 

यस्तै जनता समाजवादी पार्टी (जसपा) ले ६ सिट, लोकतान्त्रिक समाजवादी पार्टी (लोसपा) ले ३ सिट, नेसपा र जनमत पार्टीले १/१सिटमा विजय हासिल गरेका छन् । यहाँ ३ सिटमा स्वतन्त्र उम्मेदवर विजयी भएका छन् ।यसैगरी

प्रदेशसभामा पनि नेकपा एमालेले ६४ मध्ये १५ सिट जितेको छ भने दोस्रो स्थानमा नेपाली कांग्रेसले १३ सिट जितेको छ । मधेशप्रदेशसमा समानुपातिक तफको मतमा भने नेपाली कांग्रेस पहिलो दल बनेको छ ।

प्रतिनिधिसभा तर्फको देशै भरीको समानुपातिक मतमा नेकपा एमाले पहिलो दल बनेको छ ।