कालिकोट, चैत २२ । नेकपा एमालेका उपमहासचिव पृथ्वीसुब्बा गुरुङले नेपालमा नेकपा एमालेबाहेक अरु कम्युनिष्ट पार्टी नरहेकोबताउनुभएको छ ।

कालिकोटको तिलागुफा नगरपालिकामा आज आयोजित जनभेलालाई सम्बोधन गर्दै उहाँले कम्युनिष्टको आवरणमा अरु धेरै पार्टी खडाभए पनि नेपालमा सच्चा कम्युनिष्ट पार्टी एमालेमात्रै भएको बताउनुभएको हो ।

तर, कालिकोटका जनतालाई जंगलको बाघजस्तो एमालेभन्दा घरको बिरालोजस्तो माओवादी र अन्य पार्टीहरू बलियो हुन्छ भन्ने भ्रमपरिरहेको र एमालेलाई चिन्न नसकेको चर्चा गर्दै उहाँले अब माओवादी केन्द्र सकिएको र त्यसको भर नपर्न आग्रह गर्नुभयो ।

कार्यक्रममा उहाँले कांग्रेस, माओवादी, मजदुर किसान पार्टी र राप्रपालगायत पार्टी परित्याग गरी एमालेमा प्रवेश गर्नुभएका दर्जनौं नेतातथा कार्यकर्ताहरूलाई पार्टीमा स्वागत गर्नुभयो ।

कार्यक्रममा एमाले स्थायी कमिटी सदस्यद्वय गोरख बोगटी र डा. शिवमाया तुम्बाहाम्फे, नेकपा एमाले केन्द्रीय सदस्य नगेंद्र शाही, प्रेस चौतारी नेपालका केन्द्रीय अध्यक्ष गणेश बस्नेतलगायतका नेताहरूले सम्बोधन गर्नुभएको थियो ।