काठमाडौं, जेठ १५ । नेपाल बार एशोशिएशनले जन्मकैदको सजाय भोगिरहेका रेशमलाल चौधरीको आममाफी विधिको शासन र संवैधानिक सर्वोच्चताविपरीत भएको निश्कर्ष सुनाएको छ । नेपाल बारले आज विज्ञप्ति जारी गर्दै आममाफीप्रति गम्भीर ध्यानाकर्षण भएको बताएको हो ।
बारले नेपालको संविधानको धारा २७६ ले राष्ट्र प्रमुखको हैसियतले अदालत, न्यायिक वा अर्धन्यायिक वा प्रशासकीय पदाधिकारी वा निकायले गरेको सजायलाई कानून बमोजिम माफी, मुल्तवी परिवर्तत वा कम गर्न सक्ने संवैधानिक प्रावधान रहेकोमा सोको प्रयोग कानूनको परिधिभित्र रही गर्न पर्ने निर्दिष्ट गरेकोमा फौजदारी कसूर (सजाय निर्धारण तथा कार्यान्वयन) ऐन, २०७४ को दफा २४ र ३७ द्वारा निर्दिष्ट प्रावधानको प्रतिकूल सजायको माफी मिनाहा हुन सक्ने परिकल्पना नगरेको जनाएको छ ।
गणतन्त्र दिवसमा विभिन्न अदालतबाट भएको सजायलाई माफी दिइँदा सर्वोच्च अदालतबाट भएको फैसलाको पूर्णपाठ नआउँदै टीकापुर घटनाका दोषीलाई राष्ट्रपतिबाट माफी दिइनु संवैधानिक सर्वोच्चता, विधिको शासन एवं आममाफी सम्बन्धी अवधारणाविपरीत भई यस्तो कार्यले दण्डहिनताले प्रसय पाउने बारको ठहर छ ।
प्रतिक्रिया दिनुहोस्