काठमाडौँ, जेठ १८ । नेकपा एमालेले केन्द्रीय सदस्यहरुको कामको आधारमा जिम्मेवारी हेरफेर र कार्यविभाजन गर्न केन्द्रीयसचिवालयको बैठक बोलाएको छ । अध्यक्ष केपी शर्मा ओलीले शुक्रबार बिहान बस्नेगरी सचिवालय बैठक बोलाउनु भएको हो । 

नेकपा एमालेका उपमहासचिव तथा प्रचार विभाग प्रमुख पृथ्वीसुब्बा गुरुङका अनुसार शुक्रबार बिहान ११ बजे बस्ने बैठकमा केन्द्रीयसदस्यहरुको कार्यविभाजन बैठकको एजेण्डा छ ।

यसअघि बैशाख अन्तिम साता बसेको एमाले केन्द्रीय कमिटी बैठकले २०८० साललाई संगठन सुदृढीकरण बर्षका रुपमा अघि बढाउने रत्यसका लागि सवै केन्द्रीय सदस्यहरुलाई जिम्मेवारीसहित फरक भूगोलमा पठाउने निर्णय गरेको थियो । सोही निर्णयअनुसारसचिवालय बैठकले नेताहरुलाई कार्ययोजनासहित जिम्मेवारी दिएर जिल्ला पठाउने उहाँले जानकारी दिनुभयो ।

बैठकमा पार्टीको आन्तरिक तथा राजनीतिक एवं समसामयिक विषयमा छलफल हुने छ । ‘नागरिकताको विषय र बजेटको विषयमापनि छलफल हुन्छ,’ गुरुङले भन्नुभयो ।