काठमाडौं, असोज ८ । एनएमबि बैंकले एसियाली प्याराओलम्पिक खेलकुदमा नेपाललाई पहिलो कास्य पदक दिलाउन सफल प्यारातेक्वान्दो खेलाडी पलेशा गोबर्धनलाई सम्मान गरेको छ ।

पलेशाको अभुतपूर्व उपलब्धिको सम्मानमा एनएमबी बैंकले ५ लाख १ हजार नगद पुरस्कारसहित सम्मानित गरेको हो । यस्तै बैंकले एक लाख एक हजार पुरस्कारसहित पलेशाका प्रशिक्षक कविराज नेगी लामालाई सम्मान गरेको छ । पलेशाको प्रतिनिधित्व गर्दै उहाँकी अभिभावकले उक्त नगद ग्रहण गर्नुभएको बैंकले जनाएको छ ।

पलेशाको उपलब्धि र नेपालमा खेलकुदको भावनाको सम्मान गर्दै एनएमबि बैंकको विशेष समारोहमा गोबर्धन र प्रशिक्षकलाई सम्मान स्वरुप नगद हस्तान्तरण गरिएको जनाएको छ ।