काठमाडौं, मंसिर १४ । नेपाली कांग्रेसका महामन्त्री गगन थापाले नेकपा माओवादी केन्द्रका अध्यक्ष पुष्पकमल दाहाल प्रचण्डको बेचैनी निकै बढेको र देश बन्न नदिन निरन्तर लागिपरेको तथ्य खोल्नुभएको छ ।

सत्ता गुमेपछिप्रचण्ड बेचन बनेर अहिलेको सरकार ढालेरप्रधानमन्त्री बनिदिनुपर्यो भनेर कांग्रेसलाई बारम्बार आग्रह गरिरहेको खुलासा महामन्त्री थापाले गर्नुभएको हो ।

महामन्त्री थापाले लौ न कांग्रेसले प्रधानमन्त्री बनिदिनुपर्यो भन्दै हप्तैपिच्छे प्रचण्डले खबर पठाउने गर्नुभएको खुलासा गर्नुभयो । ‘यता आएर ठूल्ठूला कुरा गर्नुहुन्छ, सत्य के हो भने अहिले पनि प्रचण्डले हप्तामा एकपटक कांग्रेसलाई खबर पठाउनुहुन्छ, लौ न प्रधानमन्त्री बनिदिनुपर्यो भनेर,’ महामन्त्री थापाले भन्नुभयो, ‘बाहिर बाहिर चर्काे चर्काे कुरा गर्नुहुन्छ, सोझै झुट कुरा गर्नुहुन्छ तर कांग्रेसलाई प्रधानमन्त्री बनिदिनुपर्यो भनेर प्रचण्ड हप्तैपिच्छे खबर पठाउनुहुन्छ ।’

कांग्रेस इमान्दारितापूर्वक वर्तमान सरकारलाई ३ वर्षसम्म लिएर जाने र सरकारलाई तलमाथि गर्ने काम नगर्ने महामन्त्री थापाले बताउनुभयो । आफूहरुले सरकार तलमाथि भन्दा पनि परिणाम दिन चाहेको र राजनीतिक स्थिरताकै लागि एमालेसँग सहकार्य गरेको महामन्त्री थापाले बताउनुभयो । थापाले प्रधानमन्त्री बन्ने तागत नभएर नभइ देशलाई स्थिर सरकार दिने कुरा महत्वपूर्ण भएको बताउनु भयो ।