काठमाडौं, पुस २१ । राष्ट्रिय स्वतन्त्र पार्टी (रास्वपा) ले ‘संविधान परिमार्जन सुझाव कार्यदल’ गठन गरेको छ । आइतवार बसेको बैठकले प्रमुख सचेतक सन्तोष परियारको संयोजकत्वमा कार्यदल गठन गरेको हो ।

कार्यदलले सात वटै प्रदेशमा आवश्यक छलफल गर्ने र सबै सम्बन्धित साझेदार तथा संविधानविद्‍‍सँग छलफल गरेर दलको तर्फबाट सार्वजनिक धारणा बनाउने सो पार्टीले जनाएको छ ।

कार्यदलमा कान्तिशिखा धिताल, डाक्टर नन्दन यादव, गणेश कार्की, सोभिता गौतम, असिम साह, डाक्टर तोसिमा कार्की, डाक्टर अच्युतम लामिछाने र मेघ आले रहनुभएको छ । सो कार्यदलले सात वटै प्रदेशमा गर्ने छलफल कार्यक्रमको संयोजक सोही प्रदेशका पार्टी सभापति रहने निर्णय पनि रास्वपाले गरेको छ ।