बुटवल, चैत १५ । नेकपा एमालेका उपाध्यक्ष विष्णुप्रसाद पौडेलले पार्टीको आगामी ११औँ महाधिवेशनबाट सर्वसम्मत नेतृत्व चयन हुने भएकाले कुनै व्यक्ति विशेषको फेरो नसमाउनकार्यकर्तालाई निर्देशन दिनुभएको छ ।

आफ्नो निर्वाचन क्षेत्र रहेको रुपन्देहीको क्षेत्र नं २ मा पार्टी कमिटीले आयोजना गरेको कार्यक्रममाउपप्रधान तथा अर्थमन्त्रीसमेत रहनु भएका एमाले उपाध्यक्ष पौडेलले यस्तो निर्देशन दिनुभएको हो । यति ठूलो पार्टीभित्र कुनै व्यक्ति विशेषको गुटबन्दीमा नरमाउन उहाँको आग्रह थियो ।

आगामी महाधिवेशन र त्यसमा कुनै गुट–उपगुट नहुने भएकाले सबै नेता–कार्यकर्तालाई त्यस प्रकारकोकाममा नलाग्न पौडेलको निर्देशन थियो । पौडेलले गुटबन्दी गर्ने नेता कार्यकर्तामाथि निर्मम भएरैकारबाही गर्ने पार्टीको बटमलाइनसमेत सुनाउनु भयो।

सम्बोधनको क्रममा उहाँले भन्नुभयो, ‘पार्टीको नीति–नियममा हिँड्नोस र कुनै पनि नेताका पछाडिनलाग्नोस । पार्टीको विधिविपरीत गुटबन्दी गर्नेविरुद्ध सूक्ष्म अध्ययन भइरहेको कुरा याद राख्नोस ।

उहाँले थप्नुभयो, ‘११औँ महाधिवेशन सर्वसम्मत हुन्छ, कुनै दबाबले सर्वसम्मत हुने होइन, विश्वासले सर्वसहमति हुने हो, माथि यस्तो अवस्था छ तर तल केही व्यक्ति रमाउनका लागि किन अनावश्यकचर्चामा समय खर्चिनुपर्‍यो ?’

उपाध्यक्ष पौडेलले एमालेमा गुटबन्दीको धन्धा नफस्टाउने घोषणासमेत गर्नुभयो । ‘गुटबन्दीको धन्धाले केही हुँदैन, पार्टीका पछि लाग्नुस् व्यक्तिको होइन, यस्तो धन्धामा कोही नलाग्नुस,’ पौडेलको निर्देशन थियो ।