१२ कार्तिक २०७६, मंगलबार ००:००

राष्ट्रपति उद्धार कार्यक्रमअन्तर्गत सुत्केरी महिलाको हेलिकोप्टरमार्फत उद्धार


बैतडी, कात्तिक १२ ।  बैतडीको दुर्गम सिगास गाउँपालिकामा  सुत्केरीको महिलाको हेलिकोप्टरमार्फत उद्धार गरिएको छ । जिल्लाको सिगास गाउँपालिका वडा नम्बर ६ लेकमकी २३ वर्षीया सुत्केरी महिला धाना साउँदको सोमबार  सेनाको हेलिकोप्टरमार्फत उद्धार गरेर कोहलपुर मेडिकल कलेजमा पुर्याइएको हो ।

सुत्केरी व्यथा लागेपछि सोमबार बिहान ६ः४५ बजे स्थानीय प्रसूति सेवा केन्द्र लेकममा पुग्नुभएको थियो । त्यसपछि बिहान ९ बजेर ५० मिनेटमा प्रसूति सेवा केन्द्र लेकममा सुत्केरी भएकी धानाको अत्यधिक रक्तश्राव भएको थियो ।  साँउदलाइ राष्ट्रपति उद्धार कार्यक्रमअन्तर्गत सुत्केरी महिलाको उपचारका लागि हेलिकोप्टरमार्फत उद्धार गरिएको बैतडीका प्रमुख जिल्ला अधिकारी आनन्द पौडेलले जानकारी दिनुभयो । सुत्केरी भएपछि महिलाको अत्यधिक रक्तश्राव भएको खबर सुनिसकेपछि हेलिकोप्टरको व्यवस्था गरिएको उहाँले बताउनुभयो । साउँदको ४ बजेर ३० मिनेटमा लेकमबाट उद्धार गरेर कोहलपुर मेडिकल कलेजमा भर्ना गरिएको सुत्केरीको साथमै रहनुभएका प्रसूति सेवा केन्द्र लेकमकी अनमी पार्वती बोहरा साउँदले जानकारी दिनुभयो ।

Quick Links