काठमाडौं, ३ वैशाख । सत्तारूढ दल नेकपा एमाले र नेपाली कांग्रेसको उच्चस्तरीय संयन्त्रको बैठक बालुवाटारमा सुरू भएको छ। प्रधानमन्त्री निवास बालुवाटारमा दुवै दलको कार्यदलस्तरको बैठक सकिएपछि संयन्त्रको बैठक सुरू भएको हो। संयन्त्रको बैठकका लागि नेपाली कांग्रेसका सभापति शेरबहादुर देउवा पनि बालुवाटार पुग्नुभएको छ । बैठकमा प्रधानमन्त्री केपी शर्मा ओली पनि सहभागी हुनुभएको छ । बैठकमा एमालेका तर्फबाट ओलीका अलावा उपाध्यक्ष ईश्वर पोखरेल, महासचिव शंकर पोखरेल, अर्थमन्त्री विष्णु पौडेल र प्रधानमन्त्रीका मुख्य सल्लाहकार विष्णु रिमाल सहभागी हुनुहुन्छ । कांग्रेसका तर्फबाट देउवाका अलावा गृहमन्त्री रमेश लेखक र परराष्ट्रमन्त्री आरजु राणा देउवा सहभागी हुनुहुन्छ । यसअघि मंगलबार बिहान बालुवाटारमै देउवा र ओलीबीच छलफल भएको थियो।