काठमाडौँ । एक महिनामा १ खर्ब ४० अर्ब रुपैयाँ बराबरको रेमट्यिान्स भित्रिएको छ । नेपाल राष्ट्र बैंकको तथ्यांक अनुसार चैत महिनामा सो बराबरको रेमिट्यान्स आप्रवाह भएको हो ।

फागुन मसान्तसम्म १० खर्ब ५१ अर्ब ७७ करोड रुपैयाँ रहेको रेमिट्यान्स चैत मसान्तसम्म आइपुग्दा ११ खर्ब ९१ अर्ब ३१ करोड पुगेको हो । यो अवधिमा भित्रिएको रेमिट्यान्स अघिल्लो वर्षको सोही अवधिको तुलनामा १० प्रतिशत बढी हो ।

वृद्धिदर भने अघिल्लो वर्षको भन्दा कम हो, गत वर्ष रेमिट्यान्स आप्रवाह १७.२ प्रतिशतले बढेको थियो ।  यो अवधिमा अमेरिकी डलरमा विप्रेषण आप्रवाह ७.३ प्रतिशतले वृद्धि भइ ८ अर्ब ७४ करोड पुगेको राष्ट्र बैंकले जनाएको छ ।

यो अवधिमा खुद ट्रान्सफर १३ खर्ब ०१ अर्ब ९४ करोड रुपैयाँ पुगेको छ । अघिल्लो वर्षको सोही अवधिमा यस्तो आय ११ खर्ब ७४ अर्ब ५४ करोड रहेको थियो ।