काठमाडौं, २२ असार । एएफसी एसियन कप छनोटअन्तर्गत समूह चरणको अन्तिम खेलमा उज्बेकिस्तानसँग पेनाल्टी सुट आउटमा पराजित हुँदै समूह चरणबाटै बाहिरिएको छ। नेपाल पेनाल्टी सुटआउटमा ४–२ ले पराजित हुँदै समूह चरणमै सीमित बनेको हो।
तासकेन्तस्थित बुनयोदकोर स्टेडियममा भएको खेलमा पहिलो हाफमा ३–१ ले अग्रता लिएको उज्बेकिस्तानले दोस्रो हाफमा गोल फर्काउन सकेन। कप्तान सावित्रा भण्डारीले दोस्रो हाफमा २ गोलसहित ह्याट्रिक गर्दै खेल बराबरीमा पुर्‍याएपछि यो खेलको नतिजा पेनाल्टी सुट मार्फत भएको हो।
नेपालको लागि पहिलो पेनाल्टी पोलमा लागेर फर्कियो। ह्याट्रिक गोल स्कोरर सावित्रा भण्डारीको पेनाल्टी दोस्रो बारमा लागेर बाहिरियो। नेपालको लागि दोस्रो पेनाल्टी गीता रानाले सहजै गोल गरिन्। तेस्रो पेनाल्टी सबिता राना मगरले पनि गोल गरिन्। चौथो पेनाल्टी अन्जना राना मगरको पेनाल्टी उज्बेकिस्तानकी गोलकिपरले रोक्दा नेपाल पेनाल्टीमा हार बेहोर्दै समूह चरणबाटै बाहिरिएको हो।

उज्बेकिस्तानका भने चारै खेलाडीले पेनाल्टीमा गोल गरे। जसको फलस्वरुप उज्बेकिस्तान एसियन कपमा छनोट भएको छ। नियमित खेलको पहिलो मिनेटमा नै नेपालले गोल बेहोर्यो। उज्बेकिस्तानका लागि फिरुजाले बक्स बाहिरबाट दिएको पासलाई खबीबुल्लीभाले डिबक्सको बीचबाट गोल गरिन्।

खेलको एघारौँ मिनेटमा उज्बेकिस्तानकी कप्तान उदमिल्ला कराचिकले बायाँ तर्फबाट ल्याएको बल क्लियर गर्न खोज्दा नेपालकी डिफेन्डर समीक्षा घिमिरेको खुट्टामा लाग्दै गोल भएको हो। यससँगै खेलको सुरुवाती मिनेटमै नेपालले २ गोल खायो।

नेपालले खेलको १६ औँ मिनेटमा काउन्टर अट्याक गरेको थियो। कप्तान सावित्रा भण्डारीको पासमा रश्मीकुमारी घिसिङले डिबक्सबाट हानेको प्रहार प्रहार गोलकिपरले सजिलै नियन्त्रणमा लिइन्। खेलको २४ औँ मिनेटमा नेपालकी कप्तान सावित्रा भण्डारीले गोल गर्दै नेपाललाई खेलमा फर्काइन्। डिफेन्डरलाई बिट गर्दै डिबक्स बाहिरबाट गरेको प्रहार उज्बेकिस्तानकी गोलकिपरले रोक्न सकिनन्।

को ३८ औँ मिनेटमा सरस्वती हमालले डी बक्स भित्र फाउल गर्दा पेनाल्टी बेहोर्यो। सोही कुराको कम्प्लेन गर्दा नेपालका प्रशिक्षक प्याट्रिकले पहिलो कार्ड पनि खाए। खेलको ३९ औँ मिनेटमा पेनाल्टी मार्फत गोल गर्यो। उज्बेकिस्तानको लागि माफ्तुना सोइमोभाले पेनाल्टीमा गोल गरिन्। पहिलो हाफको थप गरिएको दोस्रो मिनेटमा नेपालले डिबक्स बाहिर फ्री किक पाएको थियो। सो फ्री किक कप्तान सावित्रा भण्डारीले सिधा गोलकिपरको हातमा दिइन्।

पहिलो हाफको थप गरिएको अन्तिम मिनेटमा उज्बेकिस्तान १० खेलाडीमा सीमित भयो। उज्बेकिस्तानकी जर्सी नम्बर १९ की खेलाडी नोजीमाखोनले नेपालकी कप्तान सावित्रा भण्डारीलाई फाउल गर्दा उनले दोहोरो पहिलो सहित रातो कार्ड खाँदै मैदानबाट बाहिरिएकी हुन्। खेलको ७१ औं मिनेटमा नेपालकी कप्तान सावित्रा भण्डारीले गोल गर्दै नेपाललाई ३–२ को अवस्थामा ल्याइन्।

खेल त्यसको दुई मिनेटपश्चात पुन कप्तान भण्डारीले गोल गर्दै नेपालका लागि तीन खेलमा तेस्रो ह्याट्रिक गरिन्। यो हारसँगै नेपालको एसियन कप खेल्ने सपना यही सकिएको छ।