जनता टाइम्स

२६ बैशाख २०७६, बिहीबार १८:१६

यी हुन् बजेटमा निजी क्षेत्रका माग


बसन्त अर्याल

काठमाण्डौं, बैशाख २६
संघिय संसदको प्रतिनिधि सभाको अर्थ समितिले आयोजना गरेको प्रि–बजेट छलफलको कर्यक्रममा निजी क्षेत्रले आगमि बजेट कस्तो हुनु पर्छ भन्ने केहि सुझाब दिएका छन् ।

काठमाण्डौंमा आयोजना भएको छलफल कार्यक्रममा प्रतिनिधि सभा विभिन्न समितिका सभापति, सदस्य तथा निजी क्षेत्रको सहभागिता रहेको थियो ।

छलफल कार्यक्रममा नेपाल उद्योग वाणिज्य महासंघका उपाध्यक्ष किशोर प्रधानले अहिलेको अवस्थामा तुरुन्त फाईदा लिन सक्ने कृषी क्षेत्र रहेको बताउनु भएको छ । सरकारले कृषी क्षेत्रमा धेरै अनुदान दिएको छ तर त्यो सहि रुपमा कार्यन्यन नभएको बताउनु भयो । कृषीको विकासको लागि सरकारले कन्ट्रयाक्ट फार्मिङ डेभलपमेन्ट र लेन्ड पुलिङ सिस्टमलाई म्यानेज गर्नु पर्ने सुझाब दिनु भएको छ ।

त्यस्तै चेम्बर अफ कमर्शका उपाध्यक्ष कमलेश अग्रवालले आगमि बजेटमा पूर्वधार विकासमा विशेष जोड दिनु पर्ने बताउनु भएको छ । सरकारी खर्च मितव्यी गरी विकास बजेटमा बढी ध्यान दिनु पर्ने उहाँको सुझाब छ। उहाँले राजस्व मुखी कर प्रणालीमा सुधार गर्नुपर्ने बताउनु भएको छ ।

छलफल कार्यक्रममा निमार्ण व्यवसायी महासंघका उपाध्यक्ष निकोलश पाण्डेले सरकारले निमार्ण व्यवसायी र निमार्ण व्यवसायीले सरकारलाई औंला ठडाउनु काम भएको भन्दै कुरोको चुरो खोज्न आग्रह गर्नु भएको छ । निमार्ण व्यवसायीले ८० अर्व भुक्तानी लिन बाँकी रहेको जानकारी गराउँदै उहाँले यसले गर्दा अर्थतन्त्रको चक्रनै बिग्रेको बताउनु भयो । आयोजना निमार्ण कार्य ढिलो हुनुको कारण बजेट प्रयाप्त नहुने, साइड किलियरेन्स बिना टेन्डर खोल्ने, गिटिबालुवा उठाउँन नदिदाँ समयमा काम हुन नसकोको उपाध्यक्ष पाण्डेको दाबी छ ।

नेपाल घरेलु तथा साना उद्योग संघका अध्यक्ष श्याम गिरीले दैनिक आवश्यकता पुरा गर्ने साना उद्योगलाई विशेष प्राथमिकता दिनु पर्ने बताउनु भएको छ । हाम्रा प्रविधि १८ औं सताब्दीका भएको भन्दै नयाँ प्रविधी भित्राई सबै पालिकामा उद्योग ग्राम स्थापनाको लागि प्रयाप्त बजेट छुट्याउन आग्रह गर्नु भएको छ ।

बीमक संघका अध्यक्षले बीमा कम्पनीको क्षमतामा वृद्धी भएको भन्दै कृषी बीमाको लागि सरकारले बढी ध्यान दिनु पर्ने बताउनु भएको छ । उहाँले लघु बीमामा पनि सरकरले ध्यान दिन सके बीमा बजार फस्ट्याउने तथा विपतमा राज्यको भार कम हुने बताउनु भएको छ ।