काठमाडौं, साउन ३०। उच्च अदालत बार एसोसिएसन पाटनको निर्वाचनमा नेकपा एमाले निकट प्रगतिशील तथा पेसागत कानुन व्यवसायी समूह (पीपीएलए) का उम्मेदवार सेवन्तराज निरौला अध्यक्षमा निर्वाचित हुनुभएको छ।

अन्तिम मतपरिणामअनुसार निरौलाले १ हजार १५२ मत प्राप्त गर्दै अध्यक्ष पदमा विजयी हुनुभएको हो। उहाँका निकटतम प्रतिस्पर्धी नेपाली कांग्रेस निकट डेमोक्रेटिक लयर्स एसोसिएसन (डीएलए) का देवीप्रसाद रिजालले १२२ मत प्राप्त गर्नुभएको छ।

त्यस्तै, राष्ट्रिय स्वतन्त्र पार्टी (रास्वपा) निकट स्वतन्त्र व्यवसायी मञ्चका उम्मेदवार भेषराज पोखरेलले १९९ मत प्राप्त गर्नुभएको छ।

निर्वाचन परिणाममा निरौलाले आफ्ना दुवै प्रतिस्पर्धीभन्दा उल्लेख्य मतान्तर कायम गर्नुभएको छ। उहाँको पक्षमा १ हजारभन्दा बढी मत खसेको अवस्थामा रिजाल र पोखरेलले प्राप्त गर्नुभएको मत भने त्यसको तुलनामा निकै कम रहेको छ।

पाटन बारको निर्वाचनमा पीपीएलएले अध्यक्ष पदमा स्पष्ट जित हासिल गरेसँगै कानुन व्यवसायीहरूको राजनीतिक निकटताका आधारमा बनेका समूहबीचको प्रतिस्पर्धामा एमाले निकट समूहले प्रभावशाली परिणाम निकालेको छ।