काठमाडौं, भदौ १ । राष्ट्रपति रामचन्द्र पौडेलले भारतीय स्थल सेनाध्यक्ष जनरल धिरज सेठलाई नेपाली सेनाको मानार्थ महारथीको दर्जा प्रदान गर्नुभएको छ।

शीतल निवासमा सोमबार आयोजित विशेष समारोहमा राष्ट्रपति पौडेलले जनरल सेठलाई नेपाली सेनाको मानार्थ महारथीको दर्ज्यानी चिह्न प्रदान गर्नुभएको हो।

नेपाल र भारतका सेना प्रमुखलाई एकअर्काको सेनाको मानार्थ महारथीको दर्जा प्रदान गर्ने सन् १९५० देखि सुरु भएको परम्पराअनुसार जनरल सेठलाई उक्त सम्मान प्रदान गरिएको हो।

नेपाली सेनाका प्रधानसेनापति अशोकराज सिग्देलको निमन्त्रणामा जनरल सेठ तीनदिने औपचारिक भ्रमणका क्रममा आइतबार काठमाडौं आइपुग्नुभएको हो।