काठमाडौं, असोज ३०
नेकपाका अध्यक्ष पुष्पकमल दाहाल ‘प्रचण्ड’ले कर्णाली प्रदेशका मुख्यमन्त्री महेन्द्र शाहीविरुद्ध अविश्वासको प्रस्ताव दर्ता गर्ने यमलाल कँडेल समूहका नेताहरुसँग पनि भेटेर कर्णालीमा विकसित परिस्थितिबारे बुझ्नुभएको छ । प्रचण्डलाई भेट्न कँडेल समूह आज बिहान ९ बजे खुमलटार गएको थियो ।
यसअघि अध्यक्ष प्रचण्डले कर्णालीका मुख्यमन्त्री महेन्द्र शाही समूहका नेताहरुका कुरा सुन्नुभएको थियो । उक्त समूहले कर्णालीमा भएको विवादबारे अध्यक्ष दाहाललाई जानकारी गराएका हुन् । अध्यक्षलाई भेट्न कँडेलसहित मायाप्रसाद शर्मा र गुलाबजंग शाह जानुभएको थियो ।
कर्णालीमा देखिएको विवाद समाधानका लागि अध्यक्षद्वले मुख्यमन्त्रीसहितका नेताहरुलाई काठमाडौं बोलाउनुभएको थियो । दुवै समूहलाई एकै ठाउँ राखेर छलफल गर्ने अध्यक्षद्वयको तयारी छ । तर, छलफल कहिले गर्ने विषयमा अहिले केही टुंगिएको छैन ।
प्रतिक्रिया दिनुहोस्