भोजपुर, जेठ ३ । प्रदेश १ का मुख्यमन्त्री राजेन्द्र राईको वडामा उनकै पार्टीले हार व्यहोरेको छ। नेकपा एकीकृत समाजवादीका सचिव  समेत रहेका राईको वडामा नेपाली कांग्रेसले जितेको छ ।

भोजपुरको षडानन्द नगरपालिका ११ झ्याउँपोखरीमा नेपाली कांग्रेसका भुपाल कुमार कार्की ६ सय ९६ मत ल्याएर विजयी हुँदा दोस्रो स्थानमा नेकपा  समाजवादीका मिलन विष्टले ३७७ मत ल्याउनु भएको छ ।

षडानन्द नगरपालिकामा कांग्रेस र माओवादीले गठबन्धन गरेको भएपनि एमालेका उम्मेदवार सुरेन्द्र उदास प्रमुखमा निर्वाचित भएका हुनुभएको छ । उदासले ६ हजार ७ सय ७२ मत ल्याउँदा कांग्रेसका वीरबल राईले ५ हजार ७ सय ५७ मत ल्याउनु भयो ।

उपप्रमुखमा भने गठबन्धनको तर्फबाट उम्मेदवार बनेकी नेकपा माओवादी केन्द्रकी प्रमिला राई ७ हजार २ सय ५७ मतसहित विजयी बन्नु भएको छ । उहाँले एमालेकी उम्मेदवार मेरिकालाई पराजित गर्नुभएको हो । मेरिका राईले ४ हजार ३ सय ५८ मत प्राप्त गर्नुभएको छ ।