काठमाडौं, ३ भदौ । पूर्वपत्नीलाई निर्घात कुटपिट गरेको गरेको आरोपमा एक इन्सपेक्टर पक्राउ परेका छन् । जिल्ला प्रहरी परिसर ललितपुरको टोलीले इन्सपेक्टर दिनेश गुरुङलाई पक्राउ गरेर अनुसन्धानका लागि ५ दिनको म्याद पाएको छ ।ललितपुर जिल्ला अदालतले मंगलबार गुरुङमाथि जबरजस्ती करणी र ज्यान मार्ने उद्योग अनुसन्धानका लागि ५ दिनको म्याद दिएको जिल्ला प्रहरी परिसर ललितपुरका एसपीले जानकारी दिनुभयो । उहाँले हात्तीवनमा रहेको डेरामा गएर पूर्वपत्नी शुभद्रा दाहालमाथि निर्घात कुटपिट गरेको बताइएको छ । प्रहरी प्रधान कार्यालयमा कार्यरत गुरुङले केही समयअघि दाहालसँग सम्बन्ध विच्छेद गरेका थिए । तर आफ्ना बच्चाहरूसँग बस्दै आएकी दाहालमाथि गुरुङले शुक्रबार साँझ मरणासन्न हुने गरी गरी कुटपिट गरेको प्रहरीको भनाइ छ ।
त्यसपछि दाहालले आफूमाथि कुटपिट भएको भन्दै फेसबुकमा फोटो राखेर सहयोगको याचना गरेकी थिइन् । उनले कुटपिटबाट आफू रगताम्मे भएको फोटो समेत सार्वजनिक गरेकी थिइन् ।