महसञ्चारको ब्यानरमा ‘दाल भात तरकारी’ सिनेमा निर्माणको घोषणा भएको केही दिनमै ‘मासु भात’ नामक अर्को सिनेमा निर्माण हुने भएको छ।

मासु भातमा पहिलो पटक मुख्य पात्रको रुपमा देखिन लागेका सौगात र सृष्टि देखिन लागेको छ।

सञ्जीव न्यौपानेको निर्देशनमा बन्ने मासु भातको यति बेला लोकेसन खोजीको कार्य भइरहेको छ। आफ्नै कथा रहेको फिल्मको स्टोरी लाइन खोल्न नमिल्ने निर्देशक न्यौपानेले बताएका छन।

सौगात र सृष्टिले फिल्म ‘लालपूर्जा’मा यसअघि एकसाथ काम गरिसकेका भए पनि लालपूर्जामा सृष्टिको भूमिका छोटो थियो। अब भने यी प्रेमजोडी पूरा फिल्ममा एकसाथ देखिने पक्का भएको छ ।