जनता टाइम्स

३१ बैशाख २०७९, शनिबार ००:००

इलामको देउमाई नगरपालिकाको मतगणनामा विवाद हुँदा झडप,स्थिति तनावग्रस्त


इलाम, ३१ वैशाख । इलामको देउमाई नगरपालिकाको मतगणनामा विवाद हुँदा झडप भएको छ ।

मतदान अधिकृतको गोजीमा स्वस्तिक छाप भेट्टिएको भन्दै नेपाली काँग्रेसका कार्यकर्ताले विरोध गरेपछि स्थिति तनावग्रस्त भएको हो ।

विवादपछि देउमाई नगरपालिकाको भवन तोडफोड भएको छ ।  झडपले हिंसात्मक रुप लिन लागेपछि प्रहरीले हवाई फायर गरेको छ ।

सर्वदलीय बैठक डाकेर मतगणना पुनः सुरु गराउने तयारी भएको छ ।