काठमाडौं, २६ साउन । नेकपा एमालेका नेता तथा पूर्वगृहमन्त्री खगराज अधिकारीले मंसिर ४ गते हुने संघ र प्रदेशको निर्वाचनमा दलहरुएक्लै लडदा आफ्नो पार्टीले एक्लै दुई तिहाई बहुमत नल्याए राजनीतिबाट सन्यास लिने घोषणा गर्नुभएको छ ।

रिपोर्टर्स क्लबनेपालले आज आयोजना गरेको साक्षात्कारमा बोल्दै अधिकारीले यस्तो घोषणा गर्नुभएको हो । ‘एक्लाएक्लै लडे कांग्रेसले एक सिटपनिजित्दैन् । अब कांग्रेस एक्लै लड्न नसक्ने भयो । कांग्रेस एक्लै लड्न आओस, हामी दुई तिहाई भन्दा बढि सिटमा जित्छौं । यदि हामीलेदुई तिहाई भन्दा बढि सिट जितेनौं भने म राजनीति छोडिदिन्छु,’ अधिकारीले भन्नुभयो ।

नेता अधिकारीले अहिलेको पाँच दलीय गठबन्धनलाई वित्तिय गठबन्धनको संज्ञा दिनुभयो । उहाँले भन्नुभयो, ‘माक्र्सवाद–लेनिनवादमाविश्वास गर्छ । अहिलेको गठबन्धन वित्तिय गठबन्धन हो ।’ अधिकारीले कांग्रेसले एसपिपी अर्को ढंगले अघि बढाउन खोजेको रअहिलेको सरकारको कारण देश जटिल अवस्थामा पुगेको तथ्य पनि राख्नुभयो ।

‘पेट्रोलियम पदार्थको मूल्यको कुरा गर्दा, घटाउनुपर्नेबेलामा १५, १५ दिनमा मूल्य समायोजन हुनुपर्नेमा अहिलेसम्म गरेको छैन । यसले प्रत्यक्ष रुपमा जनता महँगीको मारमा परेका छन् ।एक्सपोर्ट–ईम्पोर्टमा आधारित हाम्रो अर्थतन्त्रलाई हामीले उत्पादनको वृद्धि गरेर, स्वदेशी पुँजी निर्माण गरेर दलाल पुँजीलाई विस्थापितगर्न खाजेका थियौं । संघीयतालाई गतिलो तवरले कार्यान्वयन गर्नुपर्छ,’ अधिकारीको भनाइ थियो ।

उहाँले देशको परराष्ट्र नीतिमा अहिले गम्भीर चूनौति खडा भएको  पनि बताउनु भयो । अधिकारीले थप्नुभय, ‘एकाविहानै हाम्रो राष्ट्रकोअस्तित्वमाथि चूनौति आउने त होईन भनेर अहिले चिन्ता बढेको छ, ताइवान नजिकै त्यस्ता घट्ना जो भैरहेका छन्, त्यसले अन्तर्राष्ट्रियशक्तिको खेलमैदान नेपाल नहोस भनेर हामी सचेत भएर जानुपर्छ । कहीँ हामी असंलग्न परराष्ट्र नीतिबाट विचलित त छैनौं ? भन्ने पनिप्रश्न उठेको छ ।’

एमाले स्थायी समिति सदस्य अधिकारीलेनिर्वाचनअघि नै गठबन्धनवालाहरुले चुनावमा पनि गठबन्धन गर्न खोजेकोमा प्रश्न उठाउनु भयो।

उहाँले भन्नुभयो, ‘अहिले नीतिहीन, सिद्धान्तहीन र गन्तव्यहीन गठबन्धनका साथ जो निर्वाचनमा गईँदैछ । निर्वाचन पहिले नै कोलिसनगठबन्धनको परिकल्पना गरिँदैछ । समाजवादतर्फ कसरी यात्रा तय गर्छौ ? यो वित्तिय गठबन्धन हो । राजश्वको दर फेरबदल गर्नअनधिकृत व्यक्ति गएकै हो । हामीले ठोकुवाका साथ यो कुार भनेका छौं । जसको प्रत्यक्ष प्रभाव फलामको उद्योगमा देखिएको छ ।स्यानिटरी प्याडको उद्योगमा पनि देखिएको छ । टायर उद्योगमा देखिएको छ । चाउचाउ उद्योगमा देखिएको छ । हामीले कल डिटेल हेरौंभनेका थियौं ।’

उहाँले आफूहरुले सरकार छोड्दा अर्थतन्त्र राम्रो अवस्थामा रहेको तर अहिले निकै खराव बनेको बताउनु भयो । ‘अहिले त कोरोनाकोभ्याक्सिन हराए । शालिनतापूर्वक सत्तापक्षलाई सचेत गराएका हौं । राष्ट्रिय सार्वभौमिकतालाई सवल बनाउने कुरा मुख्य हो ।विकासलाई तिव्र गति दिने र रोजगार दिने कुरा हो । हामी मूलतः आफ्नो खुट्टामा उभिएर जान्छौं । गठबन्धन बन्दैन । तर, हामी चुनावमासहकार्य र तालमेलको रुपमा अघि बढ्छौं,’ अधिकारीले भन्नुभयो ।

तपाईंहरुले भावी प्रधानमन्त्रीको रुपमा अध्यक्ष केपी शर्मा ओलीलाई किन अघि सार्नुभएको छ ? भन्ने  प्रश्नमा अधिकारीले अहिलेदेशको आवश्यकत्ता नै केपी ओली भएकोले आफूहरुले भावी प्रधानमन्त्रीको रुपमा ओलीलाई नै अघि सार्न खोजेको बताउनु भयो।

अधिकारीले भन्नुभयो, ‘नेपालालई नयाँ युगमा प्रवेश गराउनुभयो । किनभने लिपुलेक, लिम्पियाधुरा, कालापानी क्षेत्रमा वैदेशिक सैन्य छ, त्यसलाई हटाउनुपर्छ भनेर मैले संकल्प प्रस्ताव तीन पटकसम्म संसद्मा राखें । त्यो संकल्प प्रस्ताव सूचिमा आएपछि पनि हटाईयो । केपीओलीले के गर्नुभयो भन्ने कुरा छर्लङ छ, त्यस्तो प्रधानमन्त्री अहिलेसम्म पाउनुभयो ? राष्ट्रिय स्वाभिमानको लागि केपी ओली चाहिन्छ ।समकालिन विश्वमा, भूराजनीतिको यो अवस्थितिमा दक्षिण र उत्तरतर्फ आफ्नो लविङ र क्याम्पेन गर्नसक्ने, त्यो हैसियत पनि चाहिन्छ ।अहिले युवाहरुले प्रधानमन्त्री चलाउँछु भन्ने कुरा त रमाईलो कुरा हुनसक्छ । रोमाञ्चित कुरा हुनसक्छ, तर हामीले त्यो टावरिङपर्सानिलिटीका साथ लविङ गर्न सक्छ कि सक्दैन्, त्यो हेर्नुपर्छ । अहिले देश संकटमा छ । हामीले उत्तरबाट पाएका सुविधाहरु, त्योसपना देख्ने केपी ओली । स्ट्रिम त चलिसके । विकासको नयाँ युग सुरु गरेकोले एकपटक नेतृत्व दिनुपर्छ । देशभक्तिको भावनाले उहाँओतपोत हुनुहुन्छ । विकास र नयाँ युगको नेतृत्व केपी ओलीले गर्नुभयो ।’