जनता टाइम्स

१ भाद्र २०७९, बुधबार २०:०९

सल्यानमा पाटेबाघ नियन्त्रणमा लिइयो


सुर्खेत, १ भदौ । जिल्लाको कालिमाटी गाउपालिका वडा नम्बर( ७ घुईयाबारी बाट पाटे बाघ नियन्त्रण मा लिइएको छ ।

बर्दिया राष्ट्रिय निकुञ्जको टोली, चेतन उपभोक्ता समिति तथा स्थानीयको सहयोगमा बुधबार बिहान करिब ९ बजे आसपासको समयमा पाटे बाघ नियन्त्रणमा लिइएको भेरीगंगा नगरपालिका –५ का वडा अध्यक्ष प्रेम बहादुर सारुले बताउनुभयो ।

कालिमाटी गाउँपालिका–७ मा बुधबार बिहान गोठमा बाँधेका २ वटा गोरु मारे पछि स्थानीयले प्रहरीलाई खबर गरेका थिए । बाघले गोरु मारेको सुचना पाएपछि घटना स्थलमा पुगेका बर्दिया राष्ट्रिय निकुञ्जको टोली र प्रहरीले उक्त पाटे बाघ लाई नियन्त्रणमा लिएको जनाइएको छ ।

यस अघि आईतबार भेरीगंगा ५ बबई गेरुवानीका ४८ बर्षिय राम बहादुर चन्द, ६७ बर्षीय कबि वलीको पनि बाघको आक्रमणबाट ज्यान गएको थियो । आइतबार घटना भएको ठाउँ भन्दा करिब २ किलोमिटर टाढाबाट बाघ नियन्त्रण लिइएको वडा अध्यक्ष सारुले जानकारी दिनुभयो ।

उहाँका अनुसार नियन्त्रणमा लिएको सो बाघ बाँके राष्ट्रिय निकुञ्जमा पठाईएको छ । यसअघि आइतबार २ जनाको ज्यान लिएको बाघ यहि हुन सक्ने अनुमान गरिएको उहाँले बताउनुभयो ।