काठमाडौं, फागुन २६ । राष्ट्रपतिमा नवनिर्वाचित नेपाली कांग्रेसका नेता रामचन्द्र पौडेले संविधानको पालान र संरक्षण गर्ने संबैधानिक जिम्मेवारी नै आफ्नो मार्गदर्शन सिद्धान्त रहेको बताउनु भएको छ ।

राष्ट्रपतिमा निर्वाचित भए पछि तनहुँवासी, मतदातादेखि प्रतिस्पर्धी सुवासचन्द्र नेम्वालाई धन्यवाद ज्ञापन गर्दै नवनिर्वाचित राष्ट्रपति पौडेलले दिगो शान्ति, सुशाषन, विकास र समृद्धिको आकंक्षा पुरा गर्ने राष्ट्रिय अभियानमा सरिकसमेत हुने जनाउनु भएको हो ।

‘राष्ट्रपति संस्थाले निर्वाचन गर्ने भुमिकाले संविधान र शाषनको व्यवस्थाको अभ्यास प्रभावित हुनेमा सचेत रही निर्दिष्ट कार्यसम्पादन तथा निष्पक्षता, तटस्थता तथा बिद्यिको पालनामा प्रतिवद्ध रहने प्रण गर्दछु । नेपालको राष्ट्रिय एकताको प्रवर्धन, स्वधिनताको रक्षा, संविधानको पालान र संरक्षण गर्ने संबैधानिक जिम्मेवारी नै मेरा लागि मार्गदर्शन सिद्धान्त रहनेछन्,’ राष्ट्रपतिमा निर्वाचित भएपछि पौडलले जारी गर्नुभएको बक्तब्यमा भनिएको छ ।

‘पौडेलले आफ्नो भूमिका निश्पक्ष रुपमा निर्वाह गर्ने पनि बताउनु भएको छ । राष्ट्रपतिको काम, कर्तव्य तथा जिम्मेवारी वहन गर्दा संविधानप्रदत मर्यादा तथा संविधानका अक्षर र भावनालाई आत्मसात गरी दिगो शान्ति, सुशाषन, विकास र समृद्धिको आंकाक्षा पूरा गर्ने राष्ट्रिय अभियानमा सरिक हुन सदैव तप्पर रहनेछु,’ पौडेलको बक्तब्यमा भनिएको छ ।

पौडेलले मित्रवत्र प्रतिस्पर्धामा रहनुभएका पुर्व सभामुख सुवासचन्द्र नेम्वाङ, उहाँको दल एमाले, मतदातालाई हार्दिक सम्मान गर्दैै प्रतिनिधिसभा र संविधानसभामा बिजयी गराई निरन्तर सेवा गर्ने अवसर दिएको भन्दै तनहुँ जिल्लावासी तथा मतदाताहरुलाई हार्दिक आभारसहित कृतज्ञता ज्ञापन गर्नुभएको छ ।