काठमाडौं, भदौं ११ । प्रधानमन्त्री केपी शर्मा ओलीको स्वास्थ्य उपचार आगामी साता पूरा हुने भएको छ । सिंगापुरमा स्वास्थ्य उपचार गराई रहनुभएका प्रधानमन्त्री ओलीको प्लाज्मा फेरेसिस प्रकृयाबाट उपचार जारी रहेको र अर्काे साता पूरा हुने उहाँका मुख्य सल्लाहकार बिष्णु रिमालले जानकारी दिनुभएको हो ।
रिमालका अनुसार प्रधानमन्त्री ओलीको स्वास्थ्य अवस्था हाल सामान्य स्थितिमा छ । ‘सम्माननीय प्रधानमन्त्रीज्यूको प्लाज्मा फेरेसिस प्रकृयाबाट उपचार जारी छ, उहाँको नीजि चिकित्सक प्रा. डा. दिव्यासिंह शाह आज स्वदेश फर्कनु भएको छ, उहाँको अनुसार यो उपचार प्रकृया अर्को साता सम्ममा पुरा हुनेछ,’ रिमालले भन्नुभएको छ ।
यस्तो छ रिमालको ट्वीट
सम्माननीय प्रधानमन्त्रीज्यूको प्लाज्मा फेरेसिस प्रकृयाबाट उपचार जारी छ । उहाँको नीजि चिकित्सक प्रा. डा. दिव्यासिंह शाह आज स्वदेश फर्कनु भएको छ । उहाँको अनुसार यो उपचार प्रकृया अर्को साता सम्ममा पुरा हुनेछ । सम्माननीय प्रधानमन्त्रीज्यूको स्वास्थ्य अवस्था हाल सामान्य स्थितिमा छ ।
१२ बर्ष अघि मृर्गौला प्रत्यारोपन गर्नुभएका प्रधानमन्त्री ओली नियमित परीक्षण र उपचारका लागि गत बिहीवार सिंगापुर जानुभएको थियो । प्रधानमन्त्री ओलीको स्वास्थ्यमा सुधार आएसँगै उहाँसँगै जानुभएका निजि चिकित्सक डा. दिब्या शाह आज स्वदेश फर्कनुभएको छ ।
प्रतिक्रिया दिनुहोस्