काठमाडौं, १७ माघ । पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले सिन्धुपाल्चोकको पाँचपोखरी थाङ्पाल गाँउपालिकाको प्रशासकीय भवनको उद्घाटन गर्नुभएको छ । गाउँपालिकाको वडा नम्बर–६ थाङ्पालधापमा निर्माण भएको सो भवनको अध्यक्ष ओलीले आज उद्घाटन गर्नुभएको हो । ११ करोड ९४ लाख रुपैयाँ लागतमा गाउँपालिकाको प्रशासकीय भवन निर्माण गरिएको पालिकाका अध्यक्ष टासी लामाले बताउनुभयो ।

पत्नी शाधिका शाक्यसहित सिन्धुपाल्चोक पुग्नुभएको अध्यक्ष ओलीले यसअघि पाँचपोखरी महादेवकोसमेत दर्शन गर्ने भनिए पनि प्रतिकुल मौसमका कारण पुग्नसकेपछि अर्कोपटक आउने भन्दै बाचा गर्नुभएको थियो । त्यस्तै पालिका अध्यक्ष लामाले आफ्नो यो दोस्रो कार्यकालमा झनै राम्रो काम गर्दै जनताको मन जित्ने बताउनुभयो । उहाँले आफूले आफ्नो जिम्मेवारी सफलतापूर्वक निर्वाह गरेको बताउँदै अध्यक्ष ओलीलाई सडक कालोपत्रे गरिदिन आग्रह गर्नुभयो ।