पोखरा, चैत १८ । कास्कीको अन्नपुर्ण गाउपालिकाको भदौरेमा आज भएको सवारी दुर्घटनामा दुई जनाको मृत्यू भएको छ ।

पोखराबाट सल्यानतर्फ जाँदै गरेको ग.१.ज. ५५४७ नम्बरको यात्रुबाहक जिप आज दिउसो ३ः५० बजे अन्नपुर्ण गाउँपालिका वडा नम्बर ४ भदौरे देउराली नजिकैको थामडाडा घुम्तीमा दुर्घटना भएको हो । सो दुर्घटनामा परी २ जनाको घटनास्थलमै मृत्यू भएको पोखराका पत्रकार दिपेन्द्र श्रेष्ठले जानकारी दिनुभएको छ ।

पत्रकार श्रेष्ठका अनुसार सो जीप सडकबाट करिव २ सय ५० मिटर तल खसेको छ । दुर्घटनामा परी १० यात्रु घाइते भएका छन् । घाइते १० जनालाई उद्धार गरी पोखरास्थित अस्पतालतर्फ ल्याइएको छ । प्रहरीले दुर्घटना भएको जीपमा थप ब्यक्तिसमेत हुन सक्ने आशंकामा दुर्घटना स्थल वरपर खोजी कार्य भइरहेको जनाएको छ ।

अहिले घटनास्थलमा सशस्त्र प्रहरी बल कालिका गण, स्थानीय बासिन्दा र नेपाल प्रहरीको टोलीले सर्च गरिरहेको छ ।