धनुषा, ३० बैशाख । लागूऔषध खैरो हिरोइनसहित दुई जनालाई जिल्ला प्रहरी कार्यालय धनुषाले पक्राउ गरेको छ । मिथिला नगरपालिका–९, बडहरीस्थित पूर्वपश्चिम लोकमार्गबाट ४.२ ग्राम लागूऔषध खैरो हिरोइनसहित दुई जनालाई पक्राउ गरिएको हो ।

जिल्ला प्रहरी कार्यालय धनुषाका अनुसार पक्राउ पर्नेमा महोत्तरीको बर्दिवास नगरपालिका–२ का २३ वर्षीय दिपक महतो र सोही ठाउँका २८ वर्षीय सुभाष परियार रहेका छन् ।

लागूऔषध नियन्त्रण ब्यूरो शाखा जनकपुर र इलाका प्रहरी कार्यालय ढल्केवरबाट खटिएका प्रहरी टोलीले दुवै जनालाई खैरो हिरोइनसहित नियन्त्रणमा लिएको प्रहरीले जनाएको छ । नियन्त्रणमा लिइएका दुबैजनालाई इलाका प्रहरी कार्यालय ढल्केवरमा राखिएको र थप अनुसन्धान कार्य भइरहेको प्रहरीले जनाएको छ ।