बैतडी, ३१ वैशाख । बैतडीका एक युवकको मलेसियामा मृत्यु भएको छ । मेलौली नगरपालिका—१ का ३२ वर्षीय दिपकसिंह नायकको मलेसियामा मृत्यु भएको हो । नायक सुतीरहेको कोठामा विद्युतको तार सर्ट भई आगलागी भएको थियो ।

उक्त आगलागीमा परेर नायकको मृत्यु भएको खुलेको छ । वैदेशिक रोजगारीको सिलसिलामा दिपक विगत ९ वर्षदेखि मलेसियामा काम गर्दै आएका थिए । नायकको शव नेपाल ल्याउन पहल भइरहेको वडा अध्यक्ष सरद नेगीले बताउनुभयो । दिपको मलेसियामा मृत्यु भएपछि उनको घरपरिवार शोकमा डुबेको छ ।