टेक्सस (अमेरिका), भदौ १३ । अमेरिकाको टेक्ससस्थित ह्यूष्टनमा गोली हानी हत्या गरिएकी नेपाली युवती मुना पाण्डेमाथि गोली चलाउने अभियुक्तको तस्बिर प्रहरीले सार्वजनिक गरेको छ ।

नेप्योर्कका अनुसार अभियुक्तको पहिचान भने खुल्न सकेको छैन् । सीसीटिभी फुटेजअनुसार मुना मृत भेटिएको स्थानमा अभियुक्त अगस्ट २४ को बेलुका ९ बजेर ४८ मिनेटमा देखिएका छन्।

होस्टन कम्युनिटी कलेजमा अध्ययनरत २१ वर्षीया पाण्डेको आफ्नै घरमा हत्या गरिएको थियो । प्रहरीले अभियुक्त पहिचानका लागि चिन्ने र देख्ने व्यक्तिहरूलाई प्रहरीमा खबर गर्न आग्रह गरेको छ । सन २०२१ मा अध्ययनका लागि अमेरिका गएकी थिइन ।

पाण्डे सोमबार साँझ छातीमा गोली लागेको अवस्थामा अपार्टमेन्टमा भेटिएपछि प्रहरीलाई खबर गरिएको थियो । सोमबार बेलुका ५ बजेर ३५ मिनेटमा प्रहरी घटनास्थलमा पुग्दा मुना मृत अवस्थामा भेटिएकी थिइन । भोजपुरकी पाण्डे ह्युस्टन कम्यूनिटी कलेजमा अध्ययनरत थिइन् । उनी ३ बर्ष अगाडि सन् २०२१ मा अध्ययनका लागि अमेरिका आएकी हुन ।

मुना एकल आमाले हुर्काएकी परिवारमा एकमात्र सन्तान हुन । मुनाको एकजना श्वेत अमेरिकनसँग प्रेमसम्बन्ध रहेको पारिवारिक श्रोतले जनाएको छ । मुनाले प्रेमीसँग घुम्न गएका फोटो र भिडियो पनि आमा अनितालाई पठाउने गरेको तर बीचमा भने उनीहरुबीच सम्बन्ध त्यती राम्रो नभएको समेत मुनाले आमालाई बताएको जनाइएको छ । यद्यपी फुटेजमा देखिएको ती व्यक्ति मुनाका प्रेमी भने नरहेको बताइएको छ ।