काठमाडौं, ११ भदौ । प्रधानमन्त्री केपी शर्मा ओली र चिनियाँ राष्ट्रपति सी जिङपिङबीच भेटवार्ता हुने भएको छ। प्रधानमन्त्री ओलीको चीन भ्रमणका दौरान उहाँहरूबीच भेटवार्ता हुन लागेको हो।

परराष्ट्र मन्त्रालयका अनुसार उहाँहरूबीच चीनको तियानजिनमा भेटवार्त हुनेछ। एससीओ सम्मेलनमा सहभागी हुन चीन भ्रमणमा जान लाग्नुभएका प्रधानमन्त्री ओलीले त्यहाँ सम्बोधन गर्ने कार्यक्रम पनि छ।

सम्मेलनमा सम्बोधन गर्नुअघि राष्ट्रपति जिङपिङसँग भेटवार्ता हुने परराष्ट्र मन्त्रालय स्रोतले जानकारी दिएको छ। भेटमा प्रधानमन्त्री ओलीले लिपुलेकका सम्बन्धमा भारत र चीनसँग भएको सहमतिका विषयमा पनि कुरा उठाउने स्रोतले बताएको छ। परराष्ट्र मन्त्रालय स्रोतका अनुसार प्रधानमन्त्री ओलीले लिपुलेकको भू(भाग नेपालको भएको विषयमा राष्ट्रपति जिङपिङसँग छलफल गर्नुहुने छ ।

प्रधानमन्त्री ओली भदौ १४ गते चीन प्रस्थान गर्नेछन् भने १८ गते स्वदेश फर्किनुहुने छ ।