काठमाडौं, भदौ २० । नेकपा एमालेको दोस्रो विधान महाधिवेशनमा पार्टी अध्यक्ष तथा प्रधानमन्त्री केपी शर्मा ओलीले राजनीतिक प्रतिवेदन प्रस्तुत गर्नुभएको छ ।

उहाँले प्रतिवेदन मार्फत देशको वर्तमान अवस्था, रणनीति र भविष्यको योजना बारे विस्तृत जानकारी दिनुभएको छ। प्रतिवेदन १६ शीर्षकमा प्रस्तुत गरिएको छ ।

९० पृष्ठ लामो प्रतिवेदनमा पार्टीको ऐतिहासिक यात्रा, वर्तमान चुनौती र आगामी रणनीतिको रूपरेखा समेटेको छ।

१. गौरवशाली इतिहास, आशालाग्दो वर्तमान, उज्ज्वल भविष्य

अध्यक्ष ओलीले एमालेको इतिहासलाई गौरवशाली र प्रेरणादायी भएको स्मरण गर्दै वर्तमान नेतृत्वले पार्टीको मार्गदर्शन र लोकतान्त्रिक सिद्धान्तलाई अझ मजबुत बनाएको प्रतिवेदनमा उल्लेख गर्नु भएको छ। उहाँले देशको वर्तमान राजनीतिक, सामाजिक र आर्थिक प्रगतिको समीक्षा गर्दै उज्ज्वल भविष्य निर्माणमा पार्टीको भूमिका महत्त्वपूर्ण हुने बताउनुभयो।

२. समाज
प्रतिवेदनमा समाजको वर्तमान अवस्था, वर्गीय असमानता, जातीय र लैङ्गिक समानताको मुद्दा उठाइएको छ। अध्यक्ष ओलीले समाजलाई समान अवसरयुक्त र समावेशी बनाउने दिशा नीति स्पष्ट पार्नुभएको छ।

३. उत्पादन पद्धति
देशको उत्पादन प्रणाली र अर्थतन्त्रलाई आधुनिक, दिगो र आत्मनिर्भर बनाउने विषयमा प्रतिवेदनमा सुझाव दिइएको छ। कृषि, उद्योग र सेवा क्षेत्रको समन्वयमा सुधार आवश्यक रहेको उल्लेख छ।

४. जनसङ्ख्या

घट्दो जनसङ्ख्या, विदेश पलायन, स्वास्थ्य सेवा, शिक्षा र युवा शक्ति व्यवस्थापनका विषयमा प्रतिवेदनमा विश्लेषण गरिएको छ। अध्यक्ष ओलीले जनसङ्ख्या व्यवस्थापनमा दिगो नीति आवश्यक भएको बताउनुभएको छ ।

५. वर्ग संरचना

कम्पनी, कृषक, श्रमिक र मध्यम वर्गबिचको सन्तुलन कायम गर्नुपर्ने विषयमा प्रतिवेदनमा चर्चा गरिएको छ। पार्टीले वर्गीय समझदारी र समान अवसर सुनिश्चित गर्ने नीति लिएको छ।

६. भू-राजनीति र परराष्ट्र नीति

अध्यक्ष ओलीले नेपालको भूराजनीतिक अवस्थाबारे व्याख्या गर्दै द्विपक्षीय सम्बन्ध र क्षेत्रीय साझेदारीमा स्पष्ट नीति र स्वतन्त्र निर्णय क्षमता आवश्यक रहेको प्रतिवेदनमा उल्लेख गर्नु भएको छ ।

७. क्रान्ति

सांस्कृतिक, सामाजिक र राजनीतिक क्रान्तिको ऐतिहासिक महत्त्व र वर्तमान परिप्रेक्ष्यमा पार्टीको दृष्टिकोण प्रतिवेदनमा प्रस्तुत गरिएको छ।

८. कम्युनिष्ट आन्दोलन

नेपाल र विश्वको कम्युनिष्ट आन्दोलनको समीक्षा गर्दै पार्टीले हालका दशकहरूमा हासिल गरेको उपलब्धि र भविष्यको रणनीति प्रतिवेदनमा समेटिएको छ।

९. समाजवाद

समाजवादको मूल सिद्धान्त, नेपालको विशेष परिस्थितिमा यसको कार्यान्वयन र नीति निर्माणमा पार्टीको भूमिका प्रतिवेदनमा उल्लेख गरिएको छ। नेपाली भूगोल अनुकूलको समाजवादी बाटो समृद्ध नेपाल, सुखी नेपाली भएको उहाँले स्पष्ट पार्नु भएको छ ।

१०. कार्यक्रम

अध्यक्ष ओलीले पार्टीका प्राथमिकता कार्यक्रम र विकास योजनाका विषयमा विस्तृत जानकारी दिनुभएको छ। शिक्षा, स्वास्थ्य, पूर्वाधार र कृषि क्षेत्रका योजना समावेश छन्।

११. आम निर्वाचन

आगामी चुनावका रणनीति, उम्मेदवार चयन प्रक्रिया, मतदाता सशक्तीकरण र प्रचार-प्रसार रणनीति प्रतिवेदनमा समेटिएको छ। मिसन २०८४ लाई पार्टीको मिसन बनाइएको छ ।

१२. प्रतिबद्धता र परिणाम

पार्टीले विगतमा गरेको प्रतिबद्धता र त्यसको उपलब्धि/परिणामको समीक्षा प्रतिवेदनमा प्रस्तुत गरिएको छ।

१३. कार्यदिशा

पार्टीको आगामी कार्यदिशा, संगठनात्मक मजबुती, जनसंगठनसँग समन्वय र नीति कार्यान्वयनका रणनीति प्रतिवेदनमा उल्लेख छन्।

१४. सिद्धान्त

मार्क्सवाद, लेनिनवाद र नेपालको परिस्थितिअनुसार समाजवादको सिद्धान्त र व्यवहारिक कार्यान्वयन प्रतिवेदनमा समेटिएको छ। जनताकाे बहुदलीय जनवादलाई पार्टीको मार्गदर्शन मानिएको छ ।

१५. पार्टी

एमालेको आन्तरिक संगठन, एकता, नेतृत्व संरचना र सदस्यहरूको भूमिकाबारे प्रतिवेदनमा चर्चा गरिएको छ।

१६. नेपाली विशेषताको समाजवाद

नेपालकाे भौगोलिक, सामाजिक र सांस्कृतिक विशेषतालाई ध्यानमा राख्दै नेपाली समाजवादको स्वरूप र यसको कार्यान्वयन रणनीति प्रतिवेदनमा प्रस्तुत गरिएको छ।

अध्यक्ष ओलीले प्रतिवेदनमार्फत पार्टी र देशको वर्तमान र भविष्यलाई दिगो, समान र समावेशी बनाउने रणनीति स्पष्ट पार्नुभएको छ। प्रतिवेदनले एमालेको ऐतिहासिक गौरव, वर्तमान उपलब्धि र आगामी राजनीतिक तथा सामाजिक उद्देश्यको रूपरेखा देखाउँछ।