काठमाडौं, असोज १ ।बागमती प्रदेश सरकारले ‘हेलो सिएम’ सेवा सञ्चालनमा ल्याएकाे छ । अब से सेवा मार्फत  प्रदेश सरकारसँग सम्बन्धित गुनासो, सुझाव, समस्या तथा आवश्यक जानकारी लिन सकिने भएको छ । 

टोल फ्री नं, ह्वाट्सयाप, इमेल वा अनलाइन प्रणालीमार्फत सुझाव, गुनासो तथा जानकारी लिन सकिने मुख्यमन्त्री तथा मन्त्रीपरिषद्को कार्यालयले जनाएको छ । जसकाे हेण्डल मुख्यमन्त्री तथा मन्त्रीपरिषद कार्यालयले गर्ने छ ।

प्रदेश सरकारले नागरिकका समस्या, गुनासो तथा सुझावहरूलाई प्रत्यक्ष रूपमा सुनुवाइ गर्ने उद्देश्यले ‘हेलो सिएम’ (गुनासो व्यवस्थापन तथा नागरिक संवाद) सेवालाई थप प्रभावकारी र सहज बनाएको जानकारी दिएको हो। मुख्यमन्त्री तथा मन्त्रिपरिषद्को कार्यालय हेटौँडाका अनुसार नागरिकले अब घरमै बसेर निःशुल्क तथा प्रविधिको प्रयोग गरी आफ्ना गुनासाहरू सरकारसमक्ष पुर्‍याउन सक्नेछन्।

गुनासो पेस गर्ने प्रमुख माध्यमहरू:

टोल फ्री नम्बर: १६६०५७५२८९८

WhatsApp नम्बर: ९८५५०९१४५६

इमेल: [email protected]

अनलाइन पोर्टल: https://gunaso.bagamati.gov.np

यसका साथै, अनलाइनमार्फत सोझै गुनासो दर्ता गर्नका लागि आधिकारिक ब्यानरमा दिइएको QR Code स्क्यान गरेर पनि सम्बन्धित प्रणालीमा पुग्न सकिने व्यवस्था मिलाइएको छ।