काठमाडौं, असोज २९ । बडादसैं नजिकिएसँगै काठमाडौं उपत्यका छाडेर गाउँ फर्किने यात्रुको सङ्ख्या बढेको छ। दसैं मनाउन घर जाने यात्रुको बिहानैदेखि गोंगबुस्थित नयाँ बसपार्कमा भीड लागेको छ।

रोजगारी, अध्ययन तथा विभिन्न पेसा–व्यवसायका लागि उपत्यकामा बस्दै आएका नागरिक गाउँ फर्किन थालेपछि बसपार्कका टिकट काउन्टर, प्रतीक्षालय र सवारी छुट्ने स्थानमा चहलपहल बढेको छ।

अग्रिम टिकट बुकिङ गरेका र तत्काल टिकट काटेर यात्रा गर्न खोज्ने यात्रु लामो लाइनमा बसेका छन्। उपत्यकाबाट बाहिरिने मुख्य सडक तथा नाकाहरूमा समेत सवारीसाधनको चाप बढेको छ।