गुराँसहरु पलाँसहरु (मुक्तक ) – भाग १०

२१

तिमी जे गर, मेरो शिर निहुरिने काम नगर ।

ओइली झरेको फूल शिरमा सिउरिने काम नगर ।

म त तिम्रै हूँ दुईको नाम, बदनाम जोडिन्छ,

म भित्र सुतेको मेरो स्वाभिमान ब्यूँझिने काम नगर ।

२२ 

ब्यर्थ शक्ति किन खर्च गर्छौ, साँचेर राख काम लाग्ला ।

ऐले बादल लाग्यो भनेर नतर्स, केहि बेरमै घाम लाग्ला ।

बिहे भएन भनेर नतर्स तिमी, आफ्नो धर्म जोगाई राख

पक्कै तिमीलाई अपनाउन खोज्ने, मान्छेको भोलि लाम लाग्ला ।