काठमाडौं, जेठ ३१ । नेपाल कम्युनिष्ट पार्टी (नेकपा) का नेता तथा सांसद भीम रावलले अव भारतसँग कायम रहेको सम्पुर्ण सिमानाको मुद्दा टुंग्याउनु पर्ने बेला आएको बताउनु भएको छ ।
संबिधान संशोधन बिद्येयकको बिषयमा आफ्नो धारणा राख्दै पूर्वगृहमन्त्री समेत रहनुभएका नेता रावलले भारतले अतिक्रमण गरेको कालापानी, लिपुलेक र लिम्पियाधुरासहितको नक्सा कायम गर्ने काम ऐतिहासिक रहेको बताउनुभयो । नेपाली भूमि फिर्ता ल्याउन सिंगो राष्ट्र एक भएकोले अव सवै सीमा समस्या समाधान गरी समस्यारहित सम्बन्ध कायम गर्नेतर्फ सवैले ध्यान दिनुपर्ने बताउनुभयो ।
उहाँले नेपाली भुमि रक्षाको लागि सरकारले चालेको कदमप्रति धन्यवाद दिनुभयो ।
प्रतिक्रिया दिनुहोस्