लहान, असार २९ गते । विगत केही दिनदेखिको लगातारको अविरल बर्षाले सिरहा जिल्लाको लहान नगरपालिका स्थित बलान नदीमा आएको बाढीमा एक जना युवक बेपत्ता भएको छ । बाढीमा बगेर आएको दाउरा टिप्न बाढीमा पसेका युवक बर्ष १९ किसन ठाकुर बेपता भएको हो ।

नदीमा अत्यधिक बेगमा बगीरहेको बाढीमा परी हराइरहेको ठाकुरको खोजीमा लहान स्थित सशस्त्र प्रहरी बल बेश क्याम्प लहानका प्रहरी नायब उपरीक्षक सहित ९ जना र नेपाल प्रहरीका सुरक्षाकर्मी सोमबार विहानै देखि परिचालन गरिएको जिल्ला प्रशासन कार्यालय सिरहाले जनाएको छ ।