दिपक राज जोशि\ बझाङ 

तल्कोट गाउपालिका ३ कि केशुदेवी रोकायाको हुलाक बचत बैक को खातामा तिस हजार रुपैया जम्मा छ । तर त्यो पैसा निकाल्न खोज्दा खोज्दै ४–५ महिना बित्यो, संभव भएको छैन । खातामा जम्मा देखिएको छ, तर नगद भने पाईरहेकि छैनन । उनका आफन्त सदरमुकाम स्थित जिल्ला हुलाक कार्यालय पटक पटक कारोबार कहिले हुने हो ? भनेर धाउदा धाउदा थाकिसकेका छन ।

यस्तै हुलाक बचत बैक बझाङमा १७ सय बचतकर्ताले खाता खोलेका छन । ती खातामा जम्मा भएको करिब पाच करोड असी लाख चौबिस हजार रुपैयाँ बचतकर्ताले पाईरहेका छैनन । ‘पैसा जथाभावी चलाएर पहिलाका कर्मचारिले ग्राहकलाई धोका दिए, अहिले हाम्रो टाउको दुखाई बनेको छ’, बैंकका सूचना अधिकारि यज्ञराज खत्री भन्नुहुन्छ । ढुकुटिमा नगद रकम छैन । ग्राहक आफुले राखेको रकम चेक लिएर साट्न आउछ्न हामीसँग सम्झाई बुझाई ग्राहकलाई फर्काउनुको बिकल्प नभएको बताउनुहुन्छ कार्यालय प्रमुख नन्दराज जोशि ।

रकम दुरुपयोग भएको बारेमा अख्तियार दुरुपयोग अनुसन्धान आयोगले विशेष अदालतमा मुद्दा दर्ता गरेको छ । तत्कालिन निमित्त कार्यालय प्रमुख रण बहादुर कठायतको नाममा रु २ करोड ९४ लाख ८९ हजार ९७१ र अर्का कर्मचारि शिवराज उपाध्याय को नाममा २ करोड २४ हजार ८६९ रुपैयाँ बिगो दावी सहित अख्तियारले बिशेष अदालतमा मुद्दा दर्ता गरेको सुचना अधिकारि खत्रीले जानकारी दिनुभयो ।

बचत कर्ताको रकम फिर्ता दिनका लागि आफुले पटक–पटक धनादेश कार्यालयको केन्द्रिय कार्यालयमा पत्राचार गरेको भएको भए पनि समस्या हल नभएको कार्यालय प्रमुख जोशीले बताउनु भयो । बबरमहलस्थित धनादेशकि प्रमुख जानुका सुबेदीका अनुसार कर्मचारीले रकम हिनामिना गरेका कारण सोही कर्मचारीबाट असुल गर्ने भन्ने भएकोले रकम असुल गरेपछिमात्रै वितरण गर्ने जानकारी दिनुभयो ।

सरकार वा माथिल्लो निकायले सो रकम सहयोग गर्यो भने पनि बचतकर्तालाई फिर्ता दिन सकिने सुबेदीले बताउनु भयो । सो रकम हिनामिना गरेको आरोपमा तत्कालिन हुलाक कार्यालय प्रमुखसहित दुई जनाको नाममा बिशेष अदालतमा मुद्दा चलिरहेको छ । आरोपित व्यक्तिबाट असुल उपर वा सरकारले नगद सहयोग नगेरसम्म बचतकर्ताले रकम फिर्ता पाउने बाटो छैन ।