काठमाडौं, माघ २१

प्रधानमन्त्री केपी शर्मा ओली पक्षको जनसभामा देशभरी देखिएको शक्तिबाट अत्तालिएको प्रचण्ड–नेपाल समुहले जनताको उपस्थिति रोक्न नेपाल बन्दको आव्हान गरेको छ । जनस्तरबाट ब्यापक विरोध भएपनि ओलीको आमसभामा बाक्लो उपस्थिति हुने पूर्वानुमान पाएको सो समुहले बन्दको आव्हान गरेको हो ।

२३ गते हुने शक्ति प्रदर्शनको तयारीस्वरूप राजधानीमा आज युवा संघ र अनेरास्ववियूले संयुक्त रूपमा गरेको मोटरसाइकल र्‍यालीले ठुलो सहभागीता हुने स्वरुप देखिसकेको छ । सो समुहका एक नेताले दिएको जानकारीअनुसार प्रधानमन्त्री ओलीको आमसभामा ठुलो उपस्थित हुने देखेपछि त्यसलाई रोक्न एक्कासी बन्दको आव्हान गरिएको जानकारी दिनुभयो ।

आफ्नो पक्षको आन्दोलनमा सहभागीता नभएपछि पटक पटक कांग्रेस र जसपालाई गुहारिरहेको सो समुहले अब बन्द कै आव्हान गरेको हो । शुक्रबार हुने जनसभामा ठुलो संख्यामा विहिवार उपत्यका बाहिरबाट आउनेको योजना रहेको थियो । बागमति प्रदेशको सभा भएकाले उपत्यका बाहिरका जिल्लाका मानिसहरु काठमाडौं आउने क्रम जारी रहेको छ । जनसभामा दुई लाख बढि उपस्थिति गराउने ओली पक्षीय नेकपाको योजना रहेको छ ।