काठमाडौं, बैशाख ११

प्रधानमन्त्री केपी शर्मा ओलीले धरहरा भत्किदा मृत्यु भएका परिवारका एक सदस्यलाई नयाँ धरहरामा रोजगार दिने बताउनु भएको छ । उहाले धरहरामै बनिरहेका पार्किङ लगायतको क्षेत्रमा रोजगारी दिइने बताउनु भएको हो ।

नवनिर्मित धरहराको आज एक कार्यक्रमका बीचमा उद्घाटन गर्दै उहाले मृतकका परिवारलाई उच्च प्राथमिकता दिइने बताउनु भयो । उहाले यहाँ सम्भव नभए अन्य ठाउमा भएपनि पहल गरिने घोषणा गर्नुभयो । धरहरामा बन्दै गरेको बगैँचा, पार्किङ लगायतमा कामदार आवश्यक पर्ने र त्यसमा पीडित परिवारलाई प्राथमिकतामा राखेर रोजगारी दिइने प्रधानमन्त्रीले घोषणा गर्नुभयो ।

२०७२ सालको महाभूकम्पले पूर्णरुपमा क्षतिग्रस्त बनाएको धरहरा ६ वर्षपछि फेरी उठेको छ । भूकम्प आएको ६ वर्ष पछाडी त्यही दिनको एक दिन अगाडिमा प्रधानमन्त्री ओलीले धरहराको उद्घाटन गर्नुभयो ।