भक्तपुर, १८ पुस । भक्तपुर नगरपालिका पसल अनुगमन समितिका संयोजक राजकृष्ण गोराको संयोजकत्वमा गरुद्धकुण्डदेखि च्याम्हासिहसम्म रहेको मासु पसलहरुको बुधबार अनुगमन गरिएको छ । अनुगमनका क्रममा धेरै पसलहरुमा मासुहरु खुल्ला राख्दा धुवा धुलो र झिंगाले भन्किने भएकोले सिसाको बाकस बनाई मासु छोपेर बेच्न निर्देशन दिइएको छ ।

अनुगमनमा तुल्सीनारायण शाहीको मासु पसल नवीकरण गर्न, मासुहरु खुल्ला राख्दा धुवा धुलो र झिंगाले भन्किने भएकोले सिसाको बाकस बनाई मासु जालिले छोपेर राख्न, सरसफाईमा ध्यान दिन, एप्रोन सेतो प्रयोग गर्न, भुई, भित्ता पानी नसोसिने र सजिलै सफा गर्न मिल्ने गरी कार्पेट वा टायल राख्न, प्रयोग गरेको पानी बाटोमा नआउने गरी निकास व्यवस्थित गर्न, पेटी र पेटीमुनि सामान नराख्न आग्रह गरेको छ ।

त्यस्तै च्याम्हासिंह फ्रेस मिट पसल नवीकरण गर्न, मासुहरु खुल्ला राख्दा धुवा धुलो र झिंगाले भन्किने भएकोले सिसाको बाकस बनाई मासु जालीले छोपेर राख्न, सरसफाईमा ध्यान दिन, एप्रोन सेतो प्रयोग गर्न, भुई, भित्ता पानी नसोसिने र सजिलै सफा गर्न मिल्ने गरी कार्पेट वा टायल राख्न, प्रयोग गरेको पानी बाटोमा नआउने गरी निकास व्यवस्थित गर्न, पेटी र पेटीमुनि सामान नराख्न, सरसफाईमा ध्यान दिन, एप्रोन सेतो प्रयोग गर्न, प्रयोग गरेको पानी बाटोमा नआउने गरी निकास व्यवस्थित गर्न, पेटी र पेटीमुनि सामान नराख्न निर्देशन दिई तराजू नवीकरण नभएकोले जफत गरी बासी र विग्रेको मासु २२ किलो जफत गरी नष्ट गरिएको थियो ।

त्यस्तै जय श्री ब्रम्हायणी कोल्ड स्टोरलाई सरसफाईमा ध्यान दिन, एप्रोन सेतो प्रयोग गर्न निर्देशन गरिएको छ । अनुगमनका क्रममा विभिन्न पसलहरुलाई नवीकरण गर्न र म्याद नाघेको न्यु, भक्तपुर चाउचाउ नष्ट गर्न निर्देशन गरिएको थियो । वडा निरिक्षक रामकृष्ण प्रजापतिका अनुसार आफूले पसलमा प्रयोग गरेको पानी बाटोमा नआउने गरी निकास गर्न आग्रह गरिएको छ ।

अनुगमनमा भक्तपुर नगरपालिका अनुगमन समितिका सदस्य श्यामकृष्ण खत्री, रोशमैया सुवाल, ज्ञानबहादुर मानन्धर, भनपा श्यानिटेशन उपशाखाका प्रमुख दिलिपकुमार सुवाल, जिल्ला प्रशासन कार्यालय भक्तपुरका हरिहर काफ्ले, पशु सेवा शाखा भक्तपुरका पार्वती योञ्जन, भक्तपुर धरेलु तथा साना उद्योग संघका सुमित्रा श्रेष्ठ र महानगरीय प्रहरी प्ररिसरका रेशम बस्नेतको सहभागी हुनुभएको थियो ।