काठमाडौं, असोज २०। नेपाली कांग्रेसमा क्रियाशील सदस्यताका समस्या समाधान गर्न माग गर्दै सानेपास्थित केन्द्रीय कार्यालयमा अनशन बसेका कार्यकर्तामाथि आज प्रहरीले धरपकड गरेको छ । प्रधानमन्त्री तथा पार्टी अध्यक्ष शेरबहादुर देउवाको निर्देशनमा नै उनीहरुलाई पक्राउ गरी केन्द्रीय कार्यालय खाली गराइएको हो ।

सर्लाही र रौतहटका कांग्रेस कार्यकर्ताहरु क्रियाशील सदस्यताको विवादलाई लिएर दुई महिनाभन्दा बढी समयदेखि अनसन बसिरहेका थिए । आज पार्टीको पदाधिकारी बैठकमा पनि उनीहरुको असनबारे विषय उठेको थियो । वरिष्ठ नेता रामचन्द्र पौडेलसहित शसांक कोइराला र प्रकाशमान सिंहले ‘कायर्ककर्तालाई अनशन राखेर पार्टीले दसैं मनाउने हो ? ’ भन्दै प्रश्न गर्नुभएको थियो ।

जवाफमा देउवाले समस्या चाँडै समाधान गर्ने आश्वासन दिनुभएको थियो । तर, आजै देउवाले प्रहरी लगाएर कार्यकर्तामाथि धरपकड गर्दै कठोरताको बाटो रोज्नुभएको छ ।