२६ आश्विन २०७८, मंगलबार ००:००

सरकारबारे प्रदीप ज्ञवाली : सय दिनमै यति देखिसकेपछि बाँकी के नै रह्यो र ?


काठमाडौं, असोज २६ । नेकपा एमालेका सचिव प्रदीप ज्ञवालीले वर्तमान सरकारबाट कुनै आश नरहेको बताउनु भएको छ ।

सर्वोच्च अदालतको परमादेशमा प्रधानमन्त्री नियुक्त भएका शेरबहादुर देउवाले विश्वासको मत लिँदा नेपाली कांग्रेसका नेता एवं हालका रक्षामन्त्री मीनेन्द्र रिजालले सरकार कसरी चलाउनुपर्छ हामी देखाउँछौं भन्ने अभिव्यक्ति स्मरण गर्दै ज्ञवालीले वर्तमान सरकार सुरुदेखि नै जनविरोधी गतिविधिमा लागेको तथ्यहरुले नै पुष्टि गरेको बताउनु भएको छ ।

प्रदीपले मीनेन्द्रलाई यस्तैगरी चलाउने भनेको हो भनी प्रश्न पनि गर्नुभएको छ । ‘भूमि आयोग खारेजी, जयसिंह धामी बेपत्ता, १४ सय सड़क आयोजना रद्ध, कालो धन सेतो पार्ने प्रपन्च, न्यायाधीशलाई मन्त्री उपहार, अनि मोतीपुर गोली काण्ड । सय दिनमै यति देखिसके पछि बाँकी के नै रह्यो र ?’ सामाजिक सञ्जालमा ज्ञवालीले भन्नुभएको छ ।