वाशिङटन, असार ११
अमेरिकी राष्ट्रपति डोनाल्ड ट्रम्पकी पत्नी मेलानियाकी सहयोगी स्टेफानी ग्रीशाम अब ह्वाइट हाउसको प्रेस सेक्रेटरी तथा कम्युनिकेसन डाइरेक्टर हुने भएकी छन् । उनी यसअघि प्रथम महिलाको डेपुटी चिफ अफ स्टाफको रुपमा काम गर्दै आएकी थिइन् । यसअघिकी ह्वाइट हाउसका प्रवक्ता सराह स्यान्डर्सले पदबाट राजीनामा दिएपछि सो पद पूर्ति गर्न लागिएको हो ।
मेलानियाले ‘उनी भन्दा राम्रो मान्छे हाम्रो देश र प्रशासनमा काम गर्न अरु हुन्छ जस्तो मलाई लाग्दैन’ भन्दै ट्विट गरेकी छन् । यो महिनाको शुरुमा स्यान्डर्सले पदबाट राजीनामाको घोषणा गरेकी थिइन् । राष्ट्रपति ट्रम्पले ग्रीशाम ‘फ्यान्टास्टिक’ भएको र उनले मंगलबार बिहान सो पद स्वीकार गरेको जनाएका छन् । ग्रीशाम सो पदमा नियुक्त भएकोमा स्यान्डर्सले पनि खुसी व्यक्त गरेको बीबीसीले जनाएको छ ।
प्रतिक्रिया दिनुहोस्