संखुवासभा, १२ माघ । संखुवासभाको मकालु गाउँपालिका(४ मा भीरबाट लडेर एक जना भेडा गोठालाको मृत्यु भएको छ । भीरबाट लडे भोटखोला गाउँपालिका(५ तुङ्खालिङका ५२ वर्षीय बलबहादुर राईको मृत्यु भएको जिल्ला प्रहरी कार्यालय संखुवासभाका सूचना अधिकारी प्रहरी निरीक्षक शुभेष अधिकारीले जानकारी दिनुभयो ।

भेडा चराउन गएका राईको मकालु–४ पावाखोला निवारे भिरबाट लडेर मृत्यु भएको प्रहरी निरीक्षक अधिकारीले बताउनुभयो । भेडा चराउन गएका राई मंगलबारदेखि फर्केर नआएपछि खोजी गर्दा बुधबार मकालु–४ पावाखोला निवारेमा भिरबाट लडेर मृत अवस्थामा स्थानीयले फेला परेका थिए ।

मृतक राई केही महिना यता मकालु –४ बैदेका गंगा बहादुर गुरुङको भेडी गोठमा काम गर्दे आउनुभएको थियो । घटनाको खबर पाउन साथ इलाका प्रहरी कार्यालय हेदाङनाको टोली घटनास्थलतर्फ लागेको जिल्ला प्रहरी कार्यालय संखुवासभाले जनाएको छ । घटनास्थल इलाका प्रहरी कार्यालय हेदाङनाबाट ९ घण्टाको पैदल दुरीमा पर्छ ।