काठमाडौं, असार २३ । नेकपा माओवादी केन्द्रका अध्यक्ष पुष्पकमल दाहाल प्रचण्डले रुस(युक्रेन युद्धका सन्दर्भमा सरकारले गलत नीतिलिएको भन्दै आलोचना गर्नुभएको छ । उहाँले यो विषयमा गठबन्धनभित्र समेत आफूले असहमति राखेको बताउनु भयो ।

पार्टीको केन्द्रीय कमिटी बैठकमा ब्रिफिङ गर्दै प्रचण्डले रुस(युक्रेनका विषयमा नेपालले देखाएको पक्षधरता नेपालको भूराजनीतिकपरिस्थिति प्रतिकूल रहेको उल्लेख गर्नुभयो ।

‘यो गम्भीर गल्ती भयो भन्ने हाम्रो धारणा हो । एकातर्फ भारतले रुससँग निकटता प्रदर्शन गरिरहेको र चीनले खुलेआम समर्थन गरिरहेकोअवस्थामा हामीले कसैको पक्षमा बोल्नुहुँदैनथ्यो । त्यो वक्तव्य क्याबिनेटबाट निर्णय भएर आएको पनि होइन रहेछ । हामीले तत्कालगठबन्धन बैठकमा यो विषयमा असहमति राखेका थियौं’, प्रचण्डले भन्नुभयो ।

उहाँले यस विषयमा नेपालले स्वतन्त्र असंलग्न नीतिको मान्यता अनुसरण गर्नुपर्नेमा जोड दिए ।प्रचण्डले भन्नुभयो ‘संवादको माध्यमबाटवार्ता र कूटनीतिक माध्यमबाट समाधान गरियोस् भन्ने सजिलो विधि हुँदाहुँदै यो वा त्यो पक्षमा अभिव्यक्ति दिनु हाम्रो भूराजनीतिकअवस्थासँग मेल खाँदैन ।’