एजेन्सी, ९ कात्तिक । विश्वकै ‘फोहोरी मानिस’ भनेर चिनिने अमो हाजीको ९४ वर्षको उमेरमा निधन भएको छ । यद्यपि उनको नाम सबैभन्दा फोहोर मानिसको सूचिमा लिखित रेकर्ड थिएन, तर उनले ५० वर्षसम्म ननुहाएको भनिन्छ, त्यसैले उनलाई सबैभन्दा फोहोर व्यक्ति भनिन्छ ।

हाजी इरानको फार्स प्रान्तको एकान्त ठाउँमा बस्थे । उनले केही महिनाअघि मात्र साबुन पानीले नुहाएका थिए, त्यसपछि आइतबार उनको मृत्यु भयो ।

नुहाउँदा बिरामी हुने डर
मिडिया रिपोर्टका अनुसार हाजी नुहाउन डराएउँथे । नुहाउँदा बिरामी पर्न सक्ने उनलाई विश्वास थियो । वरपरका मानिसहरूले प्रायः उहाँलाई सफा हुन दबाब दिन्थे, जसले उनलाई निराश बनाउथ्यो । सन् २०१४ मा तेहरान टाइम्ससँगको कुराकानीमा हाजीले आफू खाडलमा इँटाले बनेको झुपडीमा बस्ने बताए ।

सडेको मासु, धुम्रपान मन पराउथें
रिपोर्टका अनुसार लामो समयसम्म नुहाउन नसक्दा हाजीको छाला कालो भएको थियो । त्यस्तै, उनको खानामा सडेको मासु र फोहोर पानी मात्र हुन्थ्यो। उनको मनपर्ने खाना पोर्क्युपिन मासु थियो । उनलाई चुरोटको लत पनि थियो । धेरै पुराना तस्बिरहरूमा, उनीहरू एकसाथ धेरै चुरोट पिउँदै गरेको देख्न सकिन्छ ।

मलले भरिएको पाइपबाट पनि धुम्रपान गर्थे
उनले जनावरको मलले भरिएको पाइपबाट पनि धुम्रपान गरेका थिए । उनको शरीरमा रहेका लुगाहरू यति पुरानो भएकाले फोहोरका कारण ठाउँ–ठाउँमा च्यातिएका थिए । तेहरान टाइम्सको रिपोर्टका अनुसार हाजीले जीवनमा लगातार भोग्नुपरेको अप्ठ्यारोबाट निराश थिए र त्यसरी नै बस्ने निर्णय गरे।

स्थानीयवासीले दबाब दिए
मिडिया रिपोर्टका अनुसार स्थानीय गाउँलेहरूले हाजीलाई नुहाउन दबाब दिइरहन्थे तर उनले हरेक पटक अस्वीकार गरे । तर, यसपटक गाउँलेहरूले उनलाई जबरजस्ती बाथरुममा लगेर नुहाइदिए । त्यसपछि उनको स्वास्थ्य बिग्रियो । उनी यति गम्भीर अवस्थामा पुगेका थिए कि उनको आइतबार मृत्यु भयो ।

कहिल्यै बिरामी भएनन्
धेरै पटक विज्ञहरू हाजीकहाँ गएर जाँच गर्थे । यस्तो फोहोर जीवन बिताए पनि उनलाई कुनै रोग लागेन भनिन्छ । उनी कहिल्यै ब्याक्टेरियाको सम्पर्कमा आएका छैनन् । वरपरका मानिसहरूले हाजीलाई कहिल्यै बिरामी नदेखेको बताए।